میرے چاروں طرف افق ہے جو ایک پردہء سیمیں کی طرح فضائے بسیط میں پھیلا ہوا ہے،واقعات مستقبل کے افق سے نمودار ہو کر ماضی کے افق میں چلے جاتے ہیں،لیکن گم نہیں ہوتے،موقع محل،اسے واپس تحت الشعور سے شعور میں لے آتا ہے، شعور انسانی افق ہے،جس سے جھانک کر وہ مستقبل کےآئینہ ادراک میں دیکھتا ہے ۔
دوستو ! اُفق کے پار سب دیکھتے ہیں ۔ لیکن توجہ نہیں دیتے۔ آپ کی توجہ مبذول کروانے کے لئے "اُفق کے پار" یا میرے دیگر بلاگ کے،جملہ حقوق محفوظ نہیں ۔ پوسٹ ہونے کے بعد یہ آپ کے ہوئے ، آپ انہیں کہیں بھی کاپی پیسٹ کر سکتے ہیں ، کسی اجازت کی ضرورت نہیں !( مہاجرزادہ)

فیس بک کے دیوانے

پیر, فروری 19, 2018

عورتوں کی عدّت کیا ہے ؟

 ٭۔  جنسی تعلق کے بعد   عدت کی مدت
وَالْمُطَلَّقَاتُ یَتَرَبَّصْنَ بِأَنفُسِہِنَّ ثَلاَثَۃَ قُرُوَء ٍ وَلاَ یَحِلُّ لَہُنَّ أَن یَکْتُمْنَ مَا خَلَقَ اللّٰہُ فِیْ أَرْحَامِہِنَّ إِن کُنَّ یُؤْمِنَّ بِاللّٰہِ وَالْیَوْمِ الآخِرِ وَبُعُولَتُہُنَّ أَحَقُّ بِرَدِّہِنَّ فِیْ ذَلِکَ إِنْ أَرَادُواْ إِصْلاَحاً وَلَہُنَّ مِثْلُ الَّذِیْ عَلَیْْہِنَّ بِالْمَعْرُوفِ وَلِلرِّجَالِ عَلَیْْہِنَّ دَرَجَۃٌ وَاللّہُ عَزِیْزٌ حَکُیْمٌ (2:228)
اور مطلقات اپنے نفوس کو تین قروء روک کر رکھیں۔ان کے لئے حلال  نہیں کہ وہ اس کو چھپائیں جو اللہ نے ان کے رحموں میں تخلیق کے  عمل سے گذارنا شروع کر دیا ہے۔ اگر وہ اللہ اور یوم الآخر پر ایمان  رکھتی ہیں۔ اور ان کے شوہر حق رکھتے ہیں کہ انہیں اس (تین قروء کی مدت یا حمل ظاہر ہونے) کے  درمیان (طلاق مکمل ہونے سے قبل) انہیں لوٹا  لیں ، اگر ان کا اردہ اصلاح کا ہو ( تنگ کرنے کا نہیں)  ا ن(عورتوں) کے لئے  وہ   (مرد) مروج دستور کے مطابق ا ن (عورتوں)  کے برابر ہے ۔اور رجال (مردوں) کے لئے اُن (عورتوں) کے اوپر ایک درجہ ہے۔ اور اللہ عزیز اور  حکیم ہے۔

 
٭۔  جنسی تعلق  نہ قائم کر سکنے کے بعد    عدت کی مدت  - جن کو چھوا نہ ہو۔  (بوجہ نامردی یا طلاق قبل از ملاپ)
 
یَا أَیُّہَا الَّذِیْنَ آمَنُوا إِذَا نَکَحْتُمُ الْمُؤْمِنَاتِ ثُمَّ طَلَّقْتُمُوہُنَّ مِن قَبْلِ أَن تَمَسُّوہُنَّ فَمَا لَکُمْ عَلَیْْہِنَّ مِنْ عِدَّۃٍ تَعْتَدُّونَہَا فَمَتِّعُوہُنَّ وَسَرِّحُوہُنَّ سَرَاحاً جَمِیْلاً  (33:49)
اے وہ لوگو جو ایمان لائے! جب تم مومنات سے نکاح کرو۔ پھر تم انہیں چھونے سے قبل طلاق دو۔تو تمھارے لئے ان کی عدت میں سے نہیں ہے  کہ تم ان پر زیادتی کرو!۔ پس ان کے متع ان کو دے دواور انہیں خوش  اسلوبی سے(مھائدہ نکاح سے) آزاد کر دو۔ 

٭۔  جنسی تعلق کے بعد حاملہ   منکوحہ ! 
وَاللَّائِي يَئِسْنَ مِنَ الْمَحِيضِ مِنْ نِسَائِكُمْ إِنِ ارْ‌تَبْتُمْ فَعِدَّتُهُنَّ ثَلَاثَةُ أَشْهُرٍ‌ وَاللَّائِي لَمْ يَحِضْنَ 
ۚ وَأُولَاتُ الْأَحْمَالِ أَجَلُهُنَّ أَنْ يَضَعْنَ حَمْلَهُنَّ ۚ وَمَنْ يَتَّقِ اللَّـهَ يَجْعَلْ لَهُ مِنْ أَمْرِ‌هِ يُسْرً‌ا ﴿65:4  
اور وہ تمھاری نساء میں سے جو حیض آنے سے مایوس ہو چکی ہوں ( بوجہ بانجھ پن یا بڑھاپا)۔ تو ان کی عدت (طلاق کے دن سے) تین ماہ ہے (تین قروء نہیں کیونکہ قروء حیض والی عورت کے لئے ہے) تمھیں شک ہو کہ ان کو حیض آنا بند ہو  چکا ہے۔ اور جو حمل سے ہوں تو ان  کی (عدت کی) اجل جب وہ حمل کو وضع کر دیں۔

٭۔   بیوہ  - 
وَالَّذِیْنَ یُتَوَفَّوْنَ مِنکُمْ وَیَذَرُونَ أَزْوَاجاً یَتَرَبَّصْنَ بِأَنفُسِہِنَّ أَرْبَعَۃَ أَشْہُرٍ وَعَشْراً فَإِذَا بَلَغْنَ أَجَلَہُنَّ فَلاَ جُنَاحَ عَلَیْْکُمْ فِیْمَا فَعَلْنَ فِیْ أَنفُسِہِنَّ بِالْمَعْرُوفِ وَاللّٰہُ بِمَا تَعْمَلُونَ خَبِیْر  (2:234)
اور تم لوگوں میں سے جو فوت ہوں اور ازواج چھوڑ جائیں۔ تووہ(ازواج )  اپنے نفسوں کے ساتھ چار مہینے اور دس دن رکے رہیں۔ اور جب وہ اپنی  اجل کی بلوغت کو پہنچیں تو ان پر کوئی حرج نہیں کہ وہ معروف (مروج  دستور کے مطابق) اپنے نفسوں کے بارے میں فعل کریں۔ اور جو  عمل تم کرتے ہو  اللہ کو اس کی خبر ہے۔

٭٭٭٭٭٭٭٭٭٭٭٭تمت بالخیر٭٭٭٭٭٭٭٭٭٭٭٭٭٭٭

ہفتہ, فروری 17, 2018

صدقہ - اللہ کے معاشی نظام کا اہم رُکن


 روح القدّس نے محمدﷺ کو اللہ کی طرف سے   عاملین صدقات بتائے !

 إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللّهِ وَابْنِ السَّبِيلِ فَرِيضَةً مِّنَ اللّهِ وَاللّهُ عَلِيمٌ حَكِيمٌ ﴿9:60﴾ 

  یقیناً       الصَّدَقَاتُ، الْفُقَرَاءِکے لئے اور  الْمَسَاكِينِ اور  ( الْفُقَرَاءِ اور  الْمَسَاكِينِ پر ) جو    الْعَامِلِينَ ہیں اُن کے لئے ،  اور اُن    ( الْفُقَرَاءِ اور  الْمَسَاكِينِ  )کے  الْمُؤَلَّفَةِ قُلُوبُکے لئے ، اور جو الرِّقَابِ(کسی بھی قسم کی پابندی ) میں ہیں   ، اور  الْغَارِمِينَ(کسی قسم کے تاوان  میں گرفتار ) اور  سَبِيلِ اللّٰهِ (مد 1) میں اور  ابْنِ السَّبِيلِ(مد 1)،  اللہ کی طرف سے  (الصَّدَقَاتُ   کی تقسیم  ) ایک فَرِيضَةًہے اور    اللّهُ عَلِيمٌ حَكِيمٌ ہے!
 
٭٭٭٭٭٭٭٭٭٭٭٭٭٭٭٭٭٭٭٭٭٭
مزید مضامین ، اِس سلسلے میں دیکھیں :
 
انفاقِ فی سبیل اللہ کے مراتبِ انفاق

بوڑھا، بڑھیا اور چھوٹی چھوٹی تفریحات !

اکثر نوجوان پوچھتے ہیں ،
کہ ریٹائرڈ زندگی کیسے گذرتی ہے ؟
آپ دونوں بور نہیں ہوتے ؟
کیا آپ کی زندگی میں کوئی تفریح ؟
کوئی ہلا گُلّہ یا کوئی ایڈ ونچر ہے ؟
اب اُنہیں کیا بتایا جائے ، کہ ہماری زندگی کیسے گذرتی ہے ، مثلاً
ایک دن ہم اپنی ہاوسنگ کالونی سے  صدر کی طرف گئے وہاں ایک ڈیپارٹمنٹل سٹور میں ہفتہ بھر کا سامان خریدا ، ہم چاہیں تو پورے مہینہ کا سامان بھی خرید سکتے ہیں یا کالونی کے سٹور سےروزانہ یہی سامان خرید لیں  جو گھر سے صرف دوسو میٹرز پر ہے ، لیکن پھر وہاں روزانہ وہی شکلیں وہی بات ،
کیسا حال ہے ؟
بچے کیسے ہیں ؟
تمھاری بیوی کل پارک میں ملی  تھی بیمار لگ رہی تھی ڈاکٹر کے پاس لے کر گئے ؟
ارے ، تم پرسوں لنگڑا کر چل رہے تھے ، کیا ہوا تھا ؟
وغیرہ وغیرہ !
انسان روزانہ یہ باتیں سُن کر بور ہوجاتا ہے ۔
ہم دونوں سٹور سے نکلے ، تو دیکھا پولیس والا ، کار کے پاس کھڑا چالان کاٹ رہا تھا ۔
میں آگے بڑھا۔ بولا ،
"نوجوان کچھ رعایت ہو سکتی ہے ؟"
اُس نے بالکل توجہ نہ دی،  میں نےآہستہ سے کہا ،
" گدھے کا بچہ "
اُس نے دوسرا چالان بنانا شروع کر دیا ۔
بڑھیا نے میری طرف دیکھ کر کہا ،
" بندر کی اولاد بہرا لگتا ہے "
پولیس والے نے دوسرے چالان کے بعد تیسرا چالان کاٹنا شروع کیا ۔
اُس دن ہم دونوں نے بلا مبالغہ 30 چالان کٹوائے اور وہ بھی اتنا ہٹ دھرم تھا کہ ٹکٹ پر ٹکٹ کاٹے جا رہا تھا ، گویا اُسے اور کوئی کام نہیں وہ اپنا پورے مہینے کا کمیشن شاید آج ہی بنا لے ۔
 ہم نے بھی تہیہ کیا کہ آج اُس بے چارے کا چالان پر چالان کاٹنے کو شوق پورا کردیں -
 
کہ اتنے میں ہارن کی آواز آئی    اور بس آکر رکی میں اور ماریا بس میں سوار ہوئے اور اپنے گھر کے پاس اتر گئے !
ہم دونوں روزانہ ایسے ہی چھوٹے موٹے مزاح سے لطف اندوز ہوتے ہیں ۔
کہتے ہیں، بوڑھا  اور بچہ ایک جیسا ہوتا ہے ۔ لیکن وہ یہ نہیں سمجھتے کہ بوڑھے تجربہ کار ہوتے ہیں !

ازواجیات کا خلوص !


جمعرات, فروری 15, 2018

پہلا مندر

عرب کی سرزمین پر 70،000 ہندوؤں کے لئے پہلا مندر جو دُبئی میں بنایا گیا !

تھریٹ الرٹ !

ڈی ایچ اے کے رہائشیوں کے لئے اطلاع !

امارات اور سعودی عرب میں وڈیو چیت کریں

 امارات اور سعودی عرب میں فیس بُک میسنجر اور وٹس ایپ وڈیو کال  ختم کر دی گئی ہے ۔
اپنے پیاروں سے  وڈیو چیٹ  دوبارہ جاری رکھنے کے لئے  گوگل پلے سٹور سے اپنے موبائل میں  BOT IM ڈاؤن لوڈ   کریں !

بدھ, فروری 14, 2018

اعلانِ دعوتِ خاص

 اعلانِ  دعوتِ خاص
 کل  بروزِ جمعہ بعد از نمازِ مغرب  ایک چھوٹی سی دعوت کا کر رکھی ہے !
سب دوستوں سے شرکت کا التماس ہے  !
دعوت میں :
چکن بروسٹ !

نہاری ( نلّی اور مغز والی) !
 بہاری کباب!
دلیم  ( المعروف حلیم) !
 پائے  (چھوٹے کے ) !
 کڑاہی گوشت!
کولڈ ڈرنکس !
پزا !
برگر !
شاورما !
پکوڑے !
سموسے ( قیمے ، آلو اور سبزی والے)
پیٹیز !
زنگر برگر !
گلاب جامن!
رس ملائی
آئس کریم

سے اب تک  انسانی    صحت پر ہونے والے نقصانات  پر لیکچر ہو گا ،
وقت پر پہنچ جائیں بعد میں گرین ٹی پیش کی جائے گی !

مسلمان بچے اور لوطی و جنسی درندے ؟

   ہر انسان اپنے خاندان کو سماوی یا بیرونی آفات سے بچانے کے لئے آشیانہ بناتا ہے ۔
وہ قومِ لوط کی زمینی آفت سے بچانے کے لئے ، اپنے بچوں کو جاانتے بوجھتے جنسی درندوں کے حوالے کیوں کرتا ہے ؟
خاص طور پر مسلمان درندے جو ورق الجنۃ اوڑھے، اللہ کے حکم کی خلاف ورزی کرتے ہوئے القرآن کی آڑ میں دھوکہ دیتے ہیں! 

اپنے بچوں کو گھر میں القرآن کی تعلیم دیں  یا خواتین  معلمہ سے دلوائیں !
ورنہ اُنہیں القرآن نہیں بلکہ جنسی درندوں سے دور رکھیں !

منگل, فروری 13, 2018

ایپل آئی فون 10 جیتنا ، مبارک ہو !

مہاجر زادہ !
مبارک ہو کہ آپ ایپل  آئی فون -10 جیت چکے ہیں ۔

کیوں کہ آپ اوپیرا  ، براوزر  کھولنے والے پہلے 10 خوش نصیبوں میں سے ہیں اور آپ کا آئی پی ایڈریس :
39.32.205.138 ہے ۔

لیکن یہ تو مہاجر زادہ کا آئی پی ایڈریس نہیں ، مہاجرزادہ نے سوچا !
روزانہ رات کو بڑھیا اور ملازم کے ساتھ سی آئی ڈی  دیکھتے دیکھتے ، مہاجرزادہ  بھی شک میں مبتلا ہوگیا ! 


 فوراً آئی پی ایڈریس کا کُھرا نکالا ۔
اوہ !یہ آئی پی ایڈریس تو پی ٹی سی ایل والوں کا ہے اور  کمبختوں نے لانگی ٹیوڈ اور لیٹی ٹیوڈ سے جگہ کی نشاندہی کر دی ہے ۔کہیں یہ مہاجرزادہ کا گھر تو نہیں ؟
اب ڈرون حملے کو تو کوئی نہیں روک سکتا !

لیکن ، لیکن  یہ گمنام سروے کیوں کر رہے ہیں ! کچھ نہ کچھ تو ہے بیچ میں  موگیمبو !
ذرا ڈھونڈھو !

تو قارئین ! آگے بڑھیں ؟ لیکن اگر کوئی مسئلہ ہوا تو ذمہ داری آپ کی !
ہوں !
صرف ایک ڈالر میں 
ایپل  آئی فون -10 ، اِس کا مطلب ہے کہ جب موبائل لے کر کوریئر سروس والا گھر پرآئے گا تو ایک ڈالر دے دیں گے !
" ارے بیگم ، ذرا سنو ! " مہاجرزادہ نے آواز لگا ئی
" کیا بات ہے ؟ آتی ہوں !  بولیں ! " بڑھیا نے پوچھا ۔
" ایک ڈالر ہوگا آپ کے پاس " مہاجرزادہ نے پوچھا
" کیا کرنا ہے " بڑھیا نے سوال کیا ۔
" وہ
ایپل  آئی فون -10 کی پیمنٹ کرنی ہے "مہاجرزادہ نے جواب دیا
" ایک ڈالر میں " بڑھیا نے حیرانگی سے پوچھا "  تو پھر چار منگوا لو ، چم چم ، لڈو ، برفی اور موتی چور کے لئے ، ہاں لائیٹیں جلتی ہوں اور کوئی اچھا میوزک بھی ہو " بڑھیا مہاجرزادہ سے بھی  مٹھائی کے ڈبے کی محبت میں چا ر ہاتھ آگے بڑھ کر بولی ۔
بوڑھے نے حیرت سے بڑھیا کی طرف دیکھا  اور بولا ، " یہ بچوں کے موبائل نہیں ، سو فیصد اصلی
ایپل  آئی فون -10 ہے "" اوہ  اچھا !  پھر 100 منگوا لو میرے پاس 100 ڈالر ہیں ، چھٹّا نہیں " بڑھیا طنز کرتے ہوئے بولی ،" کِس پر آئیں گے ؟ ٹرک پر یا کنٹینر میں ؟"
" احمق عورت " مہاجرزادہ نے  دل میں سوچا !
معلومات دے کر آگے چلا ،
ہیں یہ کیا ؟
" آپ کے پاس ہے ویزا کارڈ یا گولڈ کارڈ ؟ "
ذرا نمبر تو بھجوائیں !



جمعرات, فروری 8, 2018

خواتین سے ایک سوال ؟

 کیا آپ چینجنگ روم میں خفیہ کیمرہ تلاش کر سکتی ہیں ؟ 
انٹر نیٹ کی بدولت پاکستان تعلیم کا اضافہ تو معلوم نہیں  ہوا یا نہ ہوا ۔
جنسی ذہنی مریضوں کی تعداد میں اضافہ ضرور ہوا ہے ۔ پہلے اِس قسم کی وارننگ میسجز آتے تھے  ۔ لیکن اُن کا تعلق زیادہ تر غیر ممالک سے ہوتا تھا ، لیکن اِس کے باوجود پاکستان میں ایسی بات سوچی نہیں جاسکتی تھی ،لیکن اب فیصل آباد سے آنے والی ٹی وی کی خبر نے بتا دیا ہے کہ وہاں کے مشہور گارمنٹس  سٹور LEVIS  میں یہ واہیات کام شروع  ہوچکا ہے ۔
چینجنگ روم وہاں ایک واحد کمرہ ہوتا ہے جہاں خواتین پورے اعتماد کے ساتھ ، خریدے جانے والے کپڑوں کو پہن کر دیکھ سکتی ہیں ۔ لیکن کیا یہ اب ممکن ہوگا ؟
فیصل آباد کی کتنی خواتین ہوں گی کہ جن کی عریاں یا نصف عریا ں تصاویر ، اِن  حرامیوں نے بنائی ہوں گی۔جن کی تربیت میں سقم ہے جو غالباً اُن کے گھر یا نزدیکی رشتہ داروں میں  پائی جانے والی خواتین کے کردار کے باعث پیدا ہوا ۔
آپ حیران ہوں گے کہ یہ کیسے ممکن ہے ؟
کیا ایک طفل ( بچہ ) اپنی محرم خواتین کی  چھپی ہوئی زینت کے ظاہر ہونے کی وجہ سے ذہنی جنسی کج روی میں مبتلاء ہو سکتا ہے ؟
آئیے ایک آفاقی سچ پڑھتے ہیں !
روح القدّس نے   دیگر بچوں کو
ذہنی جنسی کج روی میں مبتلاء ہونے سے بچانے کے لئے ، اللہ کی وارنگ بتائی !

وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ   [24:31]

 بالا آیت اپنی پوری ترتیل اور  تفسیر کے ساتھ ، الکتاب میں موجود ہے ۔ مہاجر زادہ سے اِس آیت کا فہم پڑھیں ، جس سے اتفاق یا اختلاف  آپ کی صوابدید پر ہے ، لیکن ایک بات یاد رکھیں  یہ فہم مؤمنات کی بچیوں سے کئے جانے والے  جنسی تشدد کے تناظر میں ہے ، جن کے  عَوْرَاتِ النِّسَاءِ ابھی  ظاہر نہیں ہوئے لیکن وہ  معصومیت میں جنسی  تشدد کا شکار ہوجاتی ہیں ۔
 وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا  ۔ ۔ ۔ ۔۔  [24:31]
۔ ۔ ۔ مؤمنات کے لئے کہہ ، وہ اپنی  بصیرت پر قابو رکھتی رہیں  اور اپنی  شرم گاہوں کی حفاظت کرتی رہیں اور  اپنی زینتوں کو ظاہر مت کرتی رہیں ، سوائے جو اُن  سب (زینتوں )میں سے ظاہر ہیں۔ ۔ ۔ ۔ !
مؤمنات کے جسموں میں ایسی کون سی زینت کی چیزیں ہیں جنہیں اللہ ظاہر نہ کرنے کا حکم دے رہا ہے ؟
نہ یہ جھانجھریں ہیں اور نہ یہ پازیب ، بلکہ یہ وہ چیزیں ہیں جو ایک بچے کی نگاہ سے پوشیدہ ہوتی ہیں لیکن عمر کے ساتھ اُس پر ظاہر ہو جاتی ہیں !
۔ ۔
أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ۔ ۔ ۔ ۔  [24:31]
۔ ۔ ۔ یا وہ مخصوص بچے( بیٹوں  کے علاوہ )    ، وہ لوگ جن پر عورات النساء ظاہر  نہیں ہو جاتے  ۔ ۔ ۔ ۔
بیٹوں کے علاوہ  محلّے  کے اُن بچوں سے  جن پر عورات النساء ظاہر ہوجاتیں اُن سے مؤمنات اپنی زینت چھپائیں گی اور یہ وہ زینتیں ( سینہ اور کولہے)  ہیں جو پاؤں مار کر چلنے سے اپنے ظاہر ہونے کا احساس دلاتی ہیں ۔  گھر میں چلتے وقت کولہا اور سینہ سب عورتوں کے ہلتے ہیں ۔ یہ وہ بچے ہیں جن کے لئے عورتیں محرمات نہیں ۔ جو کسی بھی وقت  خطرہ بن سکتے ہیں ۔
۔ ۔ ۔
وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۔ ۔ ۔    [24:31]
۔ ۔ ۔اور وہ اپنے پاؤں مار کر مت چلیں  کہ اُن (بچوں) کو علم ہو جائے  جو زینتوں میں خفیہ ہیں ۔ ۔ ۔
مؤمنات اپنی زینت  کن کے سامنے ظاہر کر سکتی ہیں !
 ۔ ۔ ۔إِلَّا لِبُعُولَتِهِنَّ 
سوائے  اُن (مؤمنات) کاشوہرکے لئے  ،
 أَوْ آبَائِهِنَّ
 یا ،اُن  (مؤمنات)کے باپ (سگا اور سوتیلا)
أَوْ آبَاءِ بُعُولَتِهِنَّ  
یا ، اُن  (مؤمنات) کے بعول کے اباء   (سگا اور سوتیلا)
أَوْ أَبْنَائِهِنَّ 
 یا ، اُن (مؤمنات)کے   ابناء (سگے)
أَوْ أَبْنَاءِ بُعُولَتِهِنّ
یا، اُن (مؤمنات)کے بعول کے  ابناء ( سوتیلے) 
 أَوْ إِخْوَانِهِنَّ
   یا اُن (مؤمنات)کے بھائی    

أَوْ بَنِي إِخْوَانِهِنَّ
یا، اُن (مؤمنات) کے بھائی کے بیٹے     
أَوْ بَنِي أَخَوَاتِهِنَّ
یا، اُن (مؤمنات) کی بہنوں کے ابنا ء 
 أَوْ نِسَائِهِنَّ
یا،  اُن (مؤمنات)کی النساء    (خاص رشتہ دار عورتیں)
 أَوْ مَا مَلَكَتْ أَيْمَانُهُنَّ
یا جو اُن  (مؤمنات) کی ملکت ایمان ہیں ۔
 أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ
  یا ،مردوں میں سے تابعین  جو   الْإِرْبَةِ (فائدہ دینے ) والے ہوں 
 أَوِ الطِّفْلِ  
 یا، خاص بچے     ( بیٹوں  کے علاوہ ، محلّے یا پڑوس  کے بچے  جنہیں زنانخانے میں آنے کی اجازت ہو ) 

الَّذِينَ لَمْ يَظْهَرُوا عَلَى عَوْرَاتِ النِّسَاءِ

وہ لوگ جن پر عورات النساء ظاہر  نہیں ہوتے    
  اوپر بتائے جانے والے سارے مردمؤمن ہیں ۔ لیکن  اللہ اُن سے بھی توبہ کروا رہا ہے ۔

وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ   [24:31]
اور اے  مؤمنوں تم اللہ کے طرف اکھٹے   توبہ کرتے     رہو ، تاکہ تم فلاح پاؤ !
٭٭٭٭٭٭٭٭٭٭٭



خیال رہے کہ "اُفق کے پار" یا میرے دیگر بلاگ کے،جملہ حقوق محفوظ نہیں ۔ !

افق کے پار
دیکھنے والوں کو اگر میرا یہ مضمون پسند آئے تو دوستوں کو بھی بتائیے ۔ اگر آپ کو شوق ہے کہ زیادہ لوگ آپ کو پڑھیں تو اپنا بلاگ بنائیں ۔