میرے چاروں طرف افق ہے جو ایک پردہء سیمیں کی طرح فضائے بسیط میں پھیلا ہوا ہے،واقعات مستقبل کے افق سے نمودار ہو کر ماضی کے افق میں چلے جاتے ہیں،لیکن گم نہیں ہوتے،موقع محل،اسے واپس تحت الشعور سے شعور میں لے آتا ہے، شعور انسانی افق ہے،جس سے جھانک کر وہ مستقبل کےآئینہ ادراک میں دیکھتا ہے ۔
دوستو ! اُفق کے پار سب دیکھتے ہیں ۔ لیکن توجہ نہیں دیتے۔ آپ کی توجہ مبذول کروانے کے لئے "اُفق کے پار" یا میرے دیگر بلاگ کے،جملہ حقوق محفوظ نہیں ۔ پوسٹ ہونے کے بعد یہ آپ کے ہوئے ، آپ انہیں کہیں بھی کاپی پیسٹ کر سکتے ہیں ، کسی اجازت کی ضرورت نہیں !( مہاجرزادہ)

فیس بک کے دیوانے

بدھ، 8 اپریل، 2015

عالی کی سال گراہیں

عالی بنتِ محمود کے سکول میں ٹریڈیشن تھی کہ تمام بچے اپنی سالگرہ سکول میں منائیں گے ۔ چنانچہ عالی کے ماما اور بابا بھی ہر سالگرہ پر کیک اور گڈی بیگ سکول میں پہنچا دیا کرتے ۔
چناچہ عالی کی پانچویں سالگرہ سکول میں بچوں کے ساتھ منائی گئی پھر پشاور سانحے کی وجہ سے ، سکول میں سالگراہوں کا سلسلہ موقوف ہوگیا اور سب بچے اپنی سالگرہ اپنی پسندیدہ جگہ پر مناتے اور تمام کلاس فیلوز کو دعوت دیتے ، عالی کا یومِ پیدائش 14 مارچ ہے ، یوں اُس کی چھویں سالگرہ کا
پہلا کیک رات 12:01 پر 14 مارچ کو ماما ، بابا اور بوبو (پھوپو) کے ساتھ کاٹا -
دوسرا کیک 15 مارچ دوپہر کو دادا، دادو ، چچا اور بوبو (پھوپو)  کے ساتھ کاٹا اُن کے گھر کاٹا اور
تیسرا کیک نانو ، نانا اور خالہ کے ساتھ 15 مارچ کو شام کو ہمارے گھر کاٹا ۔
مجھے کہنے لگی " آوا" میں نے 3 کیک کاٹ کر  سالگرہ منائی ہیں اور اب میں چوتھا کیک 5 اپریل کو کاٹوں گی "
" اوہ ، تو پھر تم تو نو سال کی ہوجاؤ گی " میں نے کہا ۔
اُس نے سوچتے ہوئے مجھے دیکھا اور کہا ، " کیسے ؟"
میں نے کہا، : دیکھو تم نے ماما بابا کے ساتھ کیک کاٹا تم چھ سال کی ہوئیں ۔ پھر دادا دادو کے ساتھ کیک کاٹا ، تم سات سال کی ہوگئیں ۔ آج ہمارے ساتھ کیک کاٹا تو تم آٹھ سال کی ہوگئیں اور جب تم اپنے کلاس فیلو کے ساتھ کیک کاٹو گی تو نو سال کی ہوجاؤ گی "
"آوا ، کیا آپ مذاق کر رہے ہو ؟ " وہ بولی
" نہیں میں سیریس ہوں " میں نے جواب دیا ۔
" آوا ! مین کیک کاٹ رہی ہوں ۔ اور میں چھ سال کی رہوں گی ، نو سال کی نہیں ہو جاؤں گی ! " وہ بولی
" بھئی دیکھو نا ، تمھیں سادہ حساب نہیں سمجھ آرہا "۔ میں نے پھر کاوںٹ کرکے بتایا ۔
 ہم دونوں یہ باتیں انگلش میں کر رہے تھے ۔ عالی مجھے سے انگلش میں ، نانو سے اردو میں اور دادو سے پنجابی میں بات کرتی ہے ، پنجابی اور اردو ابھی کچی ہیں لیکن انگلش پکی ہے ۔
" نانو ، یہ آوا کو دیکھو یہ کیا کہتے ہیں ، کہ میں نو سال کی ہوں ۔ یہ انابیہ کے بھی آٹھ کیک کاٹ لیں تا کہ وہ بھی نو سال کی ہوجائے ، کیا انابیہ 9 سال کی ہو سکتی ہے ؟ " عالی بولی ۔
" نہیں وہ کیسے ہوگی ؟ " نانو بولی
" یہ مجھے کنفیوز کر رہے ہیں" عالی بولی ۔
" پپا اسے کنفوز نہ کریں اور ہمیں اِس کی سکول برتھ ڈے کی پلاننگ کرنے دیں ۔ آپ بینر بنانے کا سوچیں کہ کیسے بنائیں گے ۔ " بڑی بیٹی نے کہا ۔
تو یوں ہمارے ذمہ بینر کی ڈیزائینگ اور پرنٹنگ لگی ۔ تو ہم نے یہ بینر ڈیزائن اور پرنٹ کروا کر ۔ سالگرہ کی منتظمِ اعلیٰ عالی کی بوبو (پھوپو) کے حوالے کئے -







خیال رہے کہ "اُفق کے پار" یا میرے دیگر بلاگ کے،جملہ حقوق محفوظ نہیں ۔ !

افق کے پار
دیکھنے والوں کو اگر میرا یہ مضمون پسند آئے تو دوستوں کو بھی بتائیے ۔ اگر آپ کو شوق ہے کہ زیادہ لوگ آپ کو پڑھیں تو اپنا بلاگ بنائیں ۔