میرے چاروں طرف افق ہے جو ایک پردہء سیمیں کی طرح فضائے بسیط میں پھیلا ہوا ہے،واقعات مستقبل کے افق سے نمودار ہو کر ماضی کے افق میں چلے جاتے ہیں،لیکن گم نہیں ہوتے،موقع محل،اسے واپس تحت الشعور سے شعور میں لے آتا ہے، شعور انسانی افق ہے،جس سے جھانک کر وہ مستقبل کےآئینہ ادراک میں دیکھتا ہے ۔
دوستو ! اُفق کے پار سب دیکھتے ہیں ۔ لیکن توجہ نہیں دیتے۔ آپ کی توجہ مبذول کروانے کے لئے "اُفق کے پار" یا میرے دیگر بلاگ کے،جملہ حقوق محفوظ نہیں ۔ پوسٹ ہونے کے بعد یہ آپ کے ہوئے ، آپ انہیں کہیں بھی کاپی پیسٹ کر سکتے ہیں ، کسی اجازت کی ضرورت نہیں !( مہاجرزادہ)

منگل، 25 دسمبر، 2018

جھانجھر والے پیر نہیں بُھلے

 ٭ٹالھی والا گھر٭



 کِکّر، ٹاہلی، بیری، نِمّاں
پِپل، توت تے بوڑھ نئیں بُھلے
وٹاں بَنّے، نہر دا کنڈھا
اج تک پنڈ دے موڑ نئیں بھُلے

جمّوں  تے امرود نہیں بُھلے
ناں ای امب، لسوڑے بُھلے
ناں تے بُھلڈ پنجیری بُھلی
ناں پِنیاں، ناں پُوڑے بُھلے
 

 بلد پنجالی ہل نہیں بُھلی
 واہناں،وانگھی، گڈ نہیں بُھلی 
گادھی،ٹِنڈ نسار نہیں بُھلی 
کھوہ کھاڈا تے اڈ نہیں بُھلی 

اُکھلی تے نہیں مولھی بُھلی
 چِھکو، چھابی، چھج نہیں بُھلے
 سُگھڑ پن سگُچ نہیں بُھلے
 جاچ سُچج تے پچ نہیں بُھلے

‏جھانجھر والے پیر نہیں بُھلے
نتھلی والے نک نئیں بُھلے
روں توں کُولی بانہہ نئیں بُھلی
گندل ورگے لک نئیں بُھلے

اِک گنیاں دی روہ نئیں بُھلی
لسّیاں دے اوہ کَول نہیں بُھلے
سنگھنے دُدھ دی کھیر نہیں بُھلی
گُڑ دے مٹھے چول نہیں بُھلے



  سانجھ مروت پیار نہیں بُھلے
 ورھیوں سِک وراگ نہیں بُھلے
 لسن پلانہیں بوڑویں بُھلے 
مکی،مکھن،ساگ نہیں بُھلے

 رِجکا،موٹھ جوار نہیں بُھلی
 سرہوں، کنک کپاہ نہیں بھلی
 ہولاں تے نہیں سَتّو بُھلے 
لاچی لونگ دی چاہ نہیں بُھلی

مہندے تے نہیں وٹنے بُھلے
 جنج گھڑولی کھٹ نہیں بُھلے
 اک گھڑی جے گھول نہیں بُھلے
 میلے وی تے جھٹ نہیں بُھلے 

گُھگھی لالھی سہیڑ نہیں بُھلی 
شِکرے، لگڑ تے باج نہ بُھلے 
تاڑی تے نہیں ہاکر بُھلی 
رہیکلیاں دی واج نہ بُھلے 

کاپے تے نہیں ڈھانگے بُھلے
تیر کمان غُلیل نہیں بُھلی
 ٹیشن تے نہیں ٹانگے بُھلے
 آؤندی جاندی ریل نہیں بُھلی

 نِنگلاں،لاٹو ڈور نہیں بُھلی 
باگھڑ تے اخروٹ نہیں بُھلے
 یَسّو پنجو ہار نہیں بُھلے
  اج تک کَلّیاں جوٹ نہیں بُھلے

 چِبھڑ تے نہ پیلاں بھُلیاں
 نہ ای یار بھپولے بُھلے
 نہ ای گچک مرونڈے بُھلے 
نہ ٹانگر تے گولے بُھلے

 واواں ورگی ٹور نہیں بُھلی
 سپاں ورگی گُت نہیں بُھلی
 کِھڑ کِھڑ ہسدے دِن نہیں بُھلے
 گلاں کردی رُت نہیں بُھلی

 گلیاں دے رنگ روپ نہیں بُھلے
 رب جہے یار دا در نہیں بُھلیا
 وانساں آلی گُٹھ نہیں بُھلی
 ٹالھی والا گھر نہیں بُھلیا
 ارشاد سندھو
٭٭٭٭٭٭٭٭٭٭٭٭٭

کوئی تبصرے نہیں:

ایک تبصرہ شائع کریں

خیال رہے کہ "اُفق کے پار" یا میرے دیگر بلاگ کے،جملہ حقوق محفوظ نہیں ۔ !

افق کے پار
دیکھنے والوں کو اگر میرا یہ مضمون پسند آئے تو دوستوں کو بھی بتائیے ۔ آپ اِسے کہیں بھی کاپی اور پیسٹ کر سکتے ہیں ۔ ۔ اگر آپ کو شوق ہے کہ زیادہ لوگ آپ کو پڑھیں تو اپنا بلاگ بنائیں ۔